ਲੌਕਡਾਊਨ : ਆਰਥਕ ਤੰਗੀ ਕਾਰਨ ਯੂ.ਪੀ. ‘ਚ ਦੋ ਮਜ਼ਦੂਰਾਂ ਨੇ ਲਿਆ ਫਾਹਾ

ਬਲਿਆ/ਬਾਂਦਾ- ਉੱਤਰ ਪ੍ਰਦੇਸ਼ ਦੇ ਬਲਿਆ ਅਤੇ ਬਾਂਦਾ ਜ਼ਿਲ੍ਹਿਆਂ ਵਿਚ ਦੋ ਮਜ਼ਦੂਰਾਂ ਵਲੋਂ ਕਥਿਤ ਤੌਰ ‘ਤੇ ਆਰਥਕ ਮੰਦੀ ਤੋਂ ਪ੍ਰੇਸ਼ਾਨ ਹੋ ਕੇ ਫਾਂਸੀ ਲਗਾ ਕੇ ਜਾਨ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਬਲਿਆ ਜ਼ਿਲ੍ਹੇ ਵਿਚ ਉਤਰਾਖੰਡ ਤੋਂ ਪਰਤੇ ਇਕ ਪਰਵਾਸੀ ਮਜ਼ਦੂਰ ਨੇ ਫਾਂਸੀ ਲਗਾ ਕੇ ਆਤਮਹੱਤਿਆ ਕਰ ਲਈ। ਮਜ਼ਦੂਰ ਉਤਰਾਖੰਡ ਦੇ ਹਰਿਦੁਆਰ ਵਿਚ ਨਿੱਜੀ ਕੰਪਨੀ ਵਿਚ ਮਜ਼ਦੂਰੀ ਕਰਦਾ ਸੀ। ਲੌਕਡਾਊਨ ਤੋਂ ਬਾਅਦ ਉਹ 15 ਦਿਨ ਪਹਿਲਾਂ ਹੀ ਪਿੰਡ ਆਇਆ ਸੀ।
ਦੂਜੀ ਘਟਨਾ ਵਿਚ ਸੂਬੇ ਬਾਂਦਾ ਜ਼ਿਲ੍ਹੇ ਦੇ ਗਿਰਵਾਂ ਥਾਣਾ ਖੇਤਰ ਦੇ ਮਹੁਆ ਪਿੰਡ ਵਿਚ ਇਕ ਮਜ਼ਦੂਰ ਨੇ ਕਥਿਤ ਤੌਰ ‘ਤੇ ਆਰਥਕ ਤੰਗੀ ਤੋਂ ਪ੍ਰੇਸ਼ਾਨ ਹੋ ਕੇ ਖ਼ੁਦਕੁਸ਼ੀ ਕਰ ਲਈ। ਇੱਟ-ਭੱਠੇ ‘ਤੇ ਕੰਮ ਕਰਨ ਵਾਲਾ ਮਜ਼ਦੂਰ ਸੁਖਰਾਜ ਪ੍ਰਜਾਪਤੀ (35) ਲੌਕਡਾਊਨ ਦੌਰਾਨ ਕੰਮ ਬੰਦ ਹੋਣ ‘ਤੇ ਆਪਣੇ ਪਿੰਡ ਮਹੁਆ ਵਾਪਸ ਪਰਤਿਆ ਸੀ। ਸ਼ੁੱਕਰਵਾਰ ਸਵੇਰੇ ਮਹਾਮਾਈ ਦੇਵਸਥਾਨ ਕੋਲ ਖੇਤ ਵਿਚ ਲੱਗੇ ਜਾਮੁਨ ਦੇ ਦਰਖ਼ਤ ਨਾਲ ਫਾਂਸੀ ਦੇ ਫੰਦੇ ਨਾਲ ਲਟਕਿਆ ਹੋਇਆ ਮਿਲਿਆ।