ਸਿੰਘੂ ਬਾਰਡਰ ‘ਤੇ ਕਿਸਾਨਾਂ ਦੇ ਤੰਬੂ ‘ਚ ਅੱਗ ਲੱਗੀ, ਇਕ ਜ਼ਖ਼ਮੀ

ਨਵੀਂ ਦਿੱਲੀ : ਖੇਤੀ ਕਾਨੂੰਨਾਂ ਖ਼ਿਲਾਫ਼ ਸਿੰਘੂ ਬਾਰਡਰ ‘ਤੇ ਡਟੇ ਕਿਸਾਨਾਂ ਦੇ ਇਕ ਤੰਬੂ ‘ਚ ਸਨਿਚਰਵਾਰ ਨੂੰ ਅੱਗ ਲੱਗ ਗਈ | ਸੰਘਰਸ਼ ‘ਚ ਸ਼ਾਮਿਲ ਇਕ ਕਿਸਾਨ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਉਸਾਰੀ ਅਧੀਨ ਫਲਾਈਓਵਰ ਨੇੜੇ ਕਰੀਬ 10 ਵਜੇ ਸਵੇਰੇ ਸਿਲੰਡਰ ਨੂੰ ਅੱਗ ਪੈਣ ਕਰਕੇ ਇਕ ਤੰਬੂ ‘ਚ ਅੱਗ ਲੱਗ ਗਈ, ਜਿਸ ‘ਚ ਤੰਬੂ ਪੂਰੀ ਤਰ੍ਹਾਂ ਸੜ ਗਿਆ ਅਤੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕਰਦਿਆਂ ਇਕ ਵਿਅਕਤੀ ਜ਼ਖ਼ਮੀ ਹੋ ਗਿਆ | ਉਨ੍ਹਾਂ ਦੱਸਿਆ ਕਿ ਜਦ ਅੱਗ ਲੱਗੀ ਉਸ ਸਮੇਂ ਤੰਬੂ ਅੰਦਰ ਲਗਪਗ 12 ਲੋਕ ਮੌਜੂਦ ਸਨ | ਅੱਗ ‘ਚ 5 ਮੋਬਾਈਲ, 20 ਗੱਦੇ, 20 ਕੁਰਸੀਆਂ ਤੇ ਸੁੱਕਾ ਰਾਸ਼ਨ ਵੀ ਸੜ ਗਿਆ | ਕੁੰਡਲੀ ਤੋਂ ਪੁੱਜੀ ਇਕ ਦਮਕਲ ਵਿਭਾਗ ਦੀ ਗੱਡੀ ਨੇ ਅੱਗ ‘ਤੇ ਕਾਬੂ ਪਾਇਆ |

Leave a Reply

Your email address will not be published. Required fields are marked *