ਪੰਜਾਬ ਵਿੱਚ ਬਰਡ ਫਲੂ ਕਾਰਨ ਸੈਂਕੜੇ ਮੁਰਗੀਆਂ ਮਾਰਨ ਦੇ ਆਦੇਸ਼

ਪਠਾਨਕੋਟ : ਦੇਸ਼ ਵਿਚ ਇਕ ਵਾਰ ਫੇਰ ਬਰਡ ਫਲੂ ਨੇ ਦਸਤਕ ਦਿੱਤੀ ਹੈ। ਪੰਜਾਬ ਦੇ ਪਠਾਨਕੋਟ ਜ਼ਿਲ੍ਹੇ ਵਿਚ ਬਰਡ ਫਲੂ ਦੀ ਦਸਤਕ ਨਾਲ ਸਹਿਮ ਵਧ ਗਿਆ ਹੈ। ਪਿਛਲੇ ਮਹੀਨੇ ਲਏ ਗਏ ਸੈਂਪਲਾਂ ਵਿਚੋਂ ਪੰਜ ਮੁਰਗੀਆਂ ਦੀ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਵਾਇਰਸ ਨਾਲ ਪੀੜਤ ਮੁਰਗੀਆਂ ਵਾਲੇ ਦੋ ਪੋਲਟਰੀ ਫਾਰਮ ਦੀਆਂ ਸੈਂਕੜੇ ਮੁਰਗੀਆਂ ਨੂੰ ਨਸ਼ਟ ਕਰਵਾ ਦਿੱਤਾ ਹੈ। 120 ਪਾਲਤੂ ਪੰਛੀਆਂ ਨੂੰ ਮਾਰਨ ਦੇ ਆਦੇਸ਼ ਜਾਰੀ ਕੀਤੇ ਗਏ ਹਨ। ਮਾਮਲਾ ਜ਼ਿਲ੍ਹੇ ਦੇ ਪਿੰਡ ਛਤਵਾਲ ਦਾ ਹੈ।
ਵਾਇਰਸ ਵਾਲੇ ਪੋਲਟਰੀ ਫਾਰਮਾਂ ਵਿਚ ਦਵਾਈਆਂ ਦਾ ਛਿੜਕਾਅ ਕਰਵਾਇਆ ਗਿਆ। ਇਲਾਕੇ ਦੇ ਲੋਕਾਂ ਨੂੰ ਫਾਰਮ ਤੋਂ ਦੂਰ ਰਹਿਣ ਦੀ ਹਦਾਇਤ ਦਿੱਤੀ ਹੈ।