ਸ਼ਿਕਾਗੋ ਦੇ 75 ਸਾਲਾ ਵਕੀਲ ਨੇ ਮਾਊਂਟ ਐਵਰੈਸਟ ਦੀ ਚੋਟੀ ਸਰ ਕੀਤੀ

ਕਾਠਮੰਡੂ : ਅਮਰੀਕਾ ਦੇ ਸ਼ਿਕਾਗੋ ਵਿਚਲੇ 75 ਸਾਲਾ ਵਕੀਲ ਨੇ ਵੱਡੀ ਉਮਰ ਵਿਚ ਵੀ ਮਾਊਂਟ ਐਵਰੈਸਟ ਦੀ ਚੋਟੀ ਨੂੰ ਸਰ ਕਰ ਲਿਆ ਹੈ। ਇਸ ਦੇ ਨਾਲ ਹੀ ਹਾਂਗਕਾਂਗ ਦੀ ਪਰਵਤਾਰੋਹੀ ਨੇ ਇਸ ਚੋਟੀ ’ਤੇ ਸਭ ਤੋਂ ਤੇਜ਼ ਗਤੀ ਨਾਲ ਚੜ੍ਹਨ ਦਾ ਵੀ ਰਿਕਾਰਡ ਬਣਾਇਆ ਹੈ। ਇਹ ਦੋਵੇਂ ਚੋਟੀ ਸਰ ਕਰਨ ਤੋਂ ਬਾਅਦ ਵਾਪਸ ਆ ਗਏ ਹਨ। ਆਰਥਰ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਮਾਊਂਟ ਐਵਰੈਸਟ ’ਤੇ ਚੜ੍ਹਾਈ ਸ਼ੁਰੂ ਕੀਤੀ ਸੀ। ਉਨ੍ਹਾਂ ਇਕ ਹੋਰ ਅਮਰੀਕੀ ਬਿਲ ਦਾ ਰਿਕਾਰਡ ਤੋੜ ਦਿੱਤਾ ਜੋ 67 ਸਾਲ ਦੀ ਉਮਰ ਵਿਚ ਚੋਟੀ ’ਤੇ ਚੜ੍ਹਿਆ ਸੀ। ਦੂਜੇ ਪਾਸੇ ਹਾਂਗਕਾਂਗ ਦੀ ਤਸਾਂਗ ਜ਼ਿਨ ਹੁੰਗ ਨੇ 25 ਘੰਟੇ 50 ਮਿੰਟ ਵਿਚ ਚੋਟੀ ਸਰ ਕੀਤੀ। ਉਸ ਨੇ ਪਹਿਲਾਂ 11 ਮਈ ਨੂੰ ਵੀ ਚੋਟੀ ਸਰ ਕਰਨ ਦੀ ਯੋਜਨਾ ਬਣਾਈ ਸੀ ਪਰ ਉਹ ਖਰਾਬ ਮੌਸਮ ਕਾਰਨ ਜਾ ਨਹੀਂ ਸਕੀ।