ਸਿੰਘੂ ਬਾਰਡਰ ਤੋਂ ਮੁੱਖ ਮੰਤਰੀ ਲਈ ਸੁਨੇਹਾ- ਕਿਸਾਨ ਮੋਰਚੇ ਦੀ ਸਟੇਜ ਨਹੀਂ ਮਿਲੇਗੀ, ਪੰਡਾਲ ‘ਚ ਬੈਠ ਕੇ ਸੁਣੋ ਤੇ ਜਾਓ

ਚੰਡੀਗੜ੍ਹ : ਪੰਜਾਬ ਦੇ ਨਵੇਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਲਈ ਸਿੰਘੂ ਬਾਰਡਰ ਤੋਂ ਇਕ ਸੁਨੇਹਾ ਆਇਆ ਹੈ। ਮੁੱਖ ਮੰਤਰੀ ਨੇ ਸਿੰਘੂ ਬਾਰਡਰ ‘ਤੇ ਜਾ ਕੇ ਕਿਸਾਨਾਂ ਨੂੰ ਮਿਲਣ ਅਤੇ ਗੱਲ ਕਰਨ ਦਾ ਪ੍ਰਸਤਾਵ ਰੱਖਿਆ ਸੀ। ਜਵਾਬ ਵਿਚ ਸੁਨੇਹਾ ਆਇਆ ਕਿ ਜੇਕਰ ਉਹ ਕਿਸਾਨ ਮੋਰਚੇ ‘ਤੇ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਉਥੋਂ ਦੀ ਸਟੇਜ ਨਹੀਂ ਮਿਲੇਗੀ। ਉਨ੍ਹਾਂ ਨੂੰ ਪੰਡਾਲ ਵਿਚ ਬੈਠ ਕੇ ਕਿਸਾਨ ਆਗੂਆਂ ਦੀ ਗੱਲ ਸੁਣਨੀ ਪਏਗੀ। ਉਹ ਉਥੇ ਭਾਸ਼ਣ ਵੀ ਨਹੀਂ ਦੇ ਸਕਦੇ ਹਨ। ਸੰਯੁਕਤ ਕਿਸਾਨ ਮੋਰਚੇ ਦੇ ਆਗੂਆਂ ਨੇ ਇਹ ਸਾਫ਼ ਕਰ ਦਿੱਤਾ ਹੈ ਕਿ ਕਿਸੇ ਵੀ ਰਾਜਸੀ ਆਗੂ ਨੂੰ ਸਿੰਘੂ ਵਿਚ ਲੱਗੀ ਸੰਯੁਕਤ ਕਿਸਾਨ ਮੋਰਚੇ ਦੀ ਸਟੇਜ ‘ਤੇ ਚੜ੍ਹਨ ਅਤੇ ਭਾਸ਼ਣ ਦੇਣ ਦੀ ਇਜਾਜ਼ਤ ਨਹੀਂ ਹੈ। ਜੇਕਰ ਕੋਈ ਇਥੇ ਆਉਣਾ ਚਾਹੁੰਦਾ ਹੈ ਤਾਂ ਆਏ ਅਤੇ ਪੰਡਾਲ ਵਿਚ ਬੈਠ ਕੇ ਕਿਸਾਨਾਂ ਨਾਲ ਗੱਲ ਕਰਕੇ ਜਾ ਸਕਦੇ ਹਨ।