ਪਾਕਿਸਤਾਨ : ਫ਼ੌਜ ‘ਤੇ ਦਹਿਸ਼ਤੀ ਹਮਲਾ, 5 ਫ਼ੌਜੀਆਂ ਦੀ ਮੌਤ

ਇਸਲਾਮਾਬਾਦ : ਪਾਕਿਸਤਾਨ ਦੇ ਖੈਬਰ ਪਖਤੂਨਖਵਾ ਸੂਬੇ ਵਿਚ ਬੁੱਧਵਾਰ ਅਤੇ ਵੀਰਵਾਰ ਦੀ ਦਰਮਿਆਨੀ ਰਾਤ ਦਹਿਸ਼ਤੀ ਹਮਲਾ ਹੋਇਆ। ਇਸ ਵਿਚ ਪੰਜ ਫ਼ੌਜੀ ਮਾਰੇ ਜਾਣ ਦੀ ਖ਼ਬਰ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ, ਹਮਲਾ ਇਕ ਸਰਚ ਆਪਰੇਸ਼ਨ ਦੌਰਾਨ ਹੋਇਆ ਅਤੇ ਬਾਅਦ ਵਿਚ ਦਹਿਸ਼ਤੀ ਫਾਇਰਿੰਗ ਕਰਦਿਆਂ ਭੱਜਣ ਵਿਚ ਕਾਮਯਾਬ ਹੋ ਗਏ। ਇਸ ਮਹੀਨੇ ਇਸੇ ਇਲਾਕੇ ਵਿਚ ਇਹ ਚੌਥਾ ਹਮਲਾ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਪਿਛਲੇ ਹਮਲਿਆਂ ਵਾਂਗ ਇਹ ਹਮਲਾ ਵੀ ਪਾਕਿਸਤਾਨ ਤਾਲਿਬਾਨ ਨੇ ਹੀ ਕੀਤਾ ਹੈ। ਤਾਲਿਬਾਨ ਦਾ ਇਸ ਇਲਾਕੇ ਵਿਚ ਖਾਸਾ ਦਬਦਬਾ ਮੰਨਿਆ ਜਾਂਦਾ ਹੈ।