ਧੋਨੀ ਨੇ ਆਪਣੇ ਤੂਫਾਨੀ ਅੰਦਾਜ ਨਾਲ ਲਗਾਇਆ 108 ਮੀਟਰ ਲੰਬਾ ਛੱਕਾ

ਨਵੀਂ ਦਿੱਲੀ : ਆਈ.ਪੀ.ਐੱਲ. 2018 ‘ਚ ਚੇਨਈ ਸੁਪਰ ਕਿੰਗਜ਼ ਅਤੇ ਦਿੱਲੀ ਡੇਅਰਡੇਵਿਲਜ਼ ਦੇ ਖਿਲਾਫ ਮੁਕਾਬਲਾ ਖੇਡਿਆ ਗਿਆ। ਮਹਿੰਦਰ ਸਿੰਘ ਧੋਨੀ ਅਤੇ ਸ਼ੇਨ ਵਾਟਸਨ ਦੀ ਧਮਾਕੇਦਾਰ ਪਾਰੀ ਨੇ ਚੇਨਈ ਸੁਪਰ ਕਿੰਗਜ਼ ਨੂੰ ਜਿੱਤਾ ਦਿੱਤਾ। ਇਸੇ ਦੌਰਾਨ ਇਸ ਮੈਚ ‘ਚ ਧੋਨੀ ਆਪਣੇ ਤੂਫਾਨੀ ਅੰਦਾਜ ‘ਚ ਨਜ਼ਰ ਆਏ।
ਧੋਨੀ ਨੇ ਇਸ ਪਾਰੀ ‘ਚ 5 ਛੱਕੇ ਜੜੇ, ਜਿਸ ‘ਚ ਖਾਸ ਸੀ ਉਹ ਛੱਕਾ ਜਿਸ ‘ਚ ਗੇਂਦ ਨੂੰ ਆਸਮਾਨ ਛੂਹਣ ਦੇ ਲਈ ਮਜ਼ਬੂਰ ਕਰ ਦਿੱਤਾ। ਗੇਂਦਬਾਜ਼ੀ ਕਰ ਰਹੇ ਆਵੇਸ਼ ਖਾਨ ਨੇ ਆਪਣੇ ਓਵਰ ‘ਚ ਅਜਿਹੀ ਗਲਤੀ ਕਰ ਦਿੱਤੀ। ਆਵੇਸ਼ ਖਾਨ ਨੇ ਧੋਨੀ ਨੂੰ ਇਕ ਛੱਕਾ ਲਗਾਉਣ ਦਾ ਮੌਕਾ ਦੇ ਦਿੱਤਾ। ਜਿਸਦਾ ਖਾਮਿਆਜਾ ਉਸਨੂੰ ਇਕ ਲੰਮੇ ਛੱਕੇ ਨਾਲ ਭਰਨਾ ਪਿਆ। ਧੋਨੀ ਨੇ ਆਪਣਾ ਬੱਲਾ ਜ਼ੋਰਦਾਰ ਤਰੀਕੇ ਨਾਲ ਘੁੰਮਾਇਆ ਅਤੇ ਗੇਂਦ ਆਸਮਾਨ ਦੀਆਂ ਉਚਾਈਆਂ ਨੂੰ ਛੂਹਨ ਲਈ ਮਜ਼ਬੂਰ ਹੋ ਗਈ।