ਟੋਰਾਂਟੋ ਜੈਸ ਬੇਸਬਾਲ ਟੀਮ ਦਾ ਖਿਡਾਰੀ ਰੋਬਰਟੋ ਸ਼ੋਸ਼ਣ ਦੇ ਦੋਸ਼ਾਂ ‘ਚ ਗ੍ਰਿਫਤਾਰ

ਟੋਰਾਂਟੋ : ਟੋਰਾਂਟੋ ਬਲੂ ਜੈਸ ਬੇਸਬਾਲ ਟੀਮ ਦੇ ਖਿਡਾਰੀ ਰੋਬਰਟੋ ਓਸੁਨਾ ‘ਤੇ ਔਰਤ ਦਾ ਸ਼ੋਸ਼ਣ ਕਰਨ ਦੇ ਦੋਸ਼ ਲੱਗੇ ਹਨ ਤੇ ਉਸ ਨੂੰ ਮੰਗਲਵਾਰ ਸਵੇਰੇ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਇਸ ਦੀ ਜਾਣਕਾਰੀ ਟੋਰਾਂਟੋ ਪੁਲਸ ਨੇ ਦਿੱਤੀ ਹੈ। ਕਥਿਤ ਘਟਨਾ ਦੇ ਵੇਰਵੇ ਅਜੇ ਪੁਲਸ ਵਲੋਂ ਮੁਹੱਈਆ ਨਹੀਂ ਕਰਵਾਏ ਗਏ ਹਨ। ਪੁਲਸ ਨੇ ਦੱਸਿਆ ਕਿ ਓਸੁਨਾ ਨੂੰ 18 ਜੂਨ ਦਿਨ ਸੋਮਵਾਰ ਨੂੰ ਅਦਾਲਤ ‘ਚ ਪੇਸ਼ ਕੀਤਾ ਜਾਵੇਗਾ। ਬਲੂ ਜੈਸ ਨੇ ਘਟਨਾ ‘ਤੇ ਤੁਰੰਤ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।
ਮੇਜਰ ਲੀਗ ਬੇਸਬਾਲ ਪਹਿਲਾਂ ਵੀ ਅਜਿਹੇ ਮਾਮਲਿਆਂ ਕਾਰਨ ਵਿਵਾਦਾਂ ‘ਚ ਰਹਿ ਚੁੱਕੀ ਹੈ। ਜੋਸ ਰੀਯਸ (51 ਖੇਡਾਂ), ਐਰੋਲਡਿਸ ਕੈਪਮੈਨ (30 ਖੇਡਾਂ), ਜੂਰੀ ਫੈਮਿਲੀਆ (15 ਖੇਡਾਂ) ਤੇ ਸਟੀਵਨ ਰਾਈਟ (15 ਖੇਡਾਂ) ਵੀ ਅਜਿਹੇ ਹੀ ਮਾਮਲਿਆਂ ‘ਚ ਸਸਪੈਂਡ ਕੀਤੇ ਜਾ ਚੁੱਕੇ ਹਨ।