ਕੈਨੇਡਾ ਟੀ-20 ਟੂਰਨਾਮੈਂਟ ਨਾਲ ਵਾਪਸੀ ਕਰੇਗਾ ਸਮਿਥ

ਮੈਲਬੋਰਨ : ਸਾਬਕਾ ਆਸਟਰੇਲੀਆਈ ਕਪਤਾਨ ਸਟੀਵ ਸਮਿਥ ਮਸ਼ਹੂਰ ਬਾਲ ਟੈਂਪਰਿੰਗ ਮਾਮਲੇ ਤੋਂ ਬਾਅਦ ਗਲੋਬਲ ਟੀ-20 ਕੈਨੇਡਾ ਲੀਗ ਟੂਰਨਾਮੈਂਟ ਰਾਹੀਂ ਕ੍ਰਿਕਟ ਦੇ ਮੈਦਾਨ ‘ਤੇ ਵਾਪਸੀ ਕਰੇਗਾ, ਜਿਥੇ ਉਹ ਬਤੌਰ ਮਾਰਕੀ ਖਿਡਾਰੀ ਖੇਡੇਗਾ।
ਦੱਖਣੀ ਅਫਰੀਕਾ ‘ਚ ਮਾਰਚ ਵਿਚ ਟੈਸਟ ਸੀਰੀਜ਼ ਦੌਰਾਨ ਗੇਂਦ ਨਾਲ ਛੇੜਛਾੜ ਮਾਮਲੇ ‘ਚ ਦੋਸ਼ੀ ਪਾਏ ਜਾਣ ਤੋਂ ਬਾਅਦ ਨਾ ਸਿਰਫ ਸਮਿਥ ਨੂੰ ਆਸਟਰੇਲੀਆਈ ਕ੍ਰਿਕਟ ਟੀਮ ਦਾ ਕਪਤਾਨ ਅਹੁਦਾ ਗੁਆਉਣਾ ਪਿਆ ਸੀ ਸਗੋਂ ਉਸ ‘ਤੇ ਇਕ ਸਾਲ ਲਈ ਰਾਸ਼ਟਰੀ ਤੇ ਰਾਜ ਪੱਧਰ ਦੀਆਂ ਟੀਮਾਂ ‘ਚ ਖੇਡਣ ‘ਤੇ ਵੀ ਬੈਨ ਲਾਇਆ ਗਿਆ ਹੈ, ਹਾਲਾਂਕਿ ਉਸ ਨੂੰ ਦੇਸ਼ ਅਤੇ ਦੁਨੀਆ ਵਿਚ ਹੋਣ ਵਾਲੀਆਂ ਘਰੇਲੂ ਕ੍ਰਿਕਟ ਲੀਗਾਂ ‘ਚ ਖੇਡਣ ਦੀ ਮਨਜ਼ੂਰੀ ਹੈ।