ਭਾਰਤੀ ਲੇਖਿਕਾ ਐਨੀ ਜ਼ੈਦੀ ਨੇ ਜਿੱਤਿਆ ਇਕ ਲੱਖ ਡਾਲਰ ਦਾ ‘ਨਾਈਨ ਡਾਟਸ’ ਪੁਰਸਕਾਰ

ਲੰਡਨ : ਭਾਰਤੀ ਲੇਖਿਕਾ ਐਨੀ ਜ਼ੈਦੀ ਨੇ ਬਰਤਾਨੀਆ ਵਿਚ ਇਕ ਲੱਖ ਡਾਲਰ ਦਾ ਵੱਕਾਰੀ ਪੁਸਤਕ ਪੁਰਸਕਾਰ ‘ਨਾਈਨ ਡਾਟਸ’ ਜਿੱਤਿਆ ਹੈ। ਇਹ ਪੁਰਸਕਾਰ ਵਿਸ਼ਵ ਭਰ ਦੇ ਚਲੰਤ ਮੁੱਦਿਆਂ ਨੂੰ ਉਠਾਉਣ ਵਾਲੇ ਨਵੀਨਤਮ ਵਿਚਾਰਾਂ ਨੂੰ ਸਨਮਾਨਤ ਕਰਨ ਲਈ ਦਿੱਤਾ ਜਾਂਦਾ ਹੈ। ਮੁੰਬਈ ਦੀ ਰਹਿਣ ਵਾਲੀ ਜ਼ੈਦੀ ਸੁਤੰਤਰ ਲੇਖਿਕਾ ਹੈ। ਉਹ ਲੇਖ, ਲਘੂ ਕਹਾਣੀਆਂ, ਕਵਿਤਾਵਾਂ ਤੇ ਨਾਟਕ ਲਿਖਦੀ ਹੈ। ਉਨ•ਾਂ ਨੂੰ ਇਹ ਪੁਰਸਕਾਰ ‘ਬਰੈੱਡ, ਸੀਮਿੰਟ, ਕੈਕਟਸ’ ਲਈ ਦਿੱਤਾ ਗਿਆ ਹੈ। ਇਹ ਪੁਸਤਕ ਭਾਰਤ ਵਿਚ ਉਨ•ਾਂ ਦੇ ਸਮਾਜਕ ਜੀਵਨ ਦੇ ਤਜਰਬਿਆਂ ਵਿਚ ਰਚੀਆਂ-ਬਸੀਆਂ ਯਾਦਾਂ ਅਤੇ ਘਰ ਤੇ ਸੰਪਤੀ ਦੀ ਧਾਰਨਾ ਨੂੰ ਤਲਾਸ਼ ਕਰਦੀ ਰਿਪੋਰਟ ਦਾ ਮਿਸ਼ਰਨ ਹੈ। 40 ਸਾਲਾ ਐਨੀ ਨੇ ਕਿਹਾ ਕਿ ‘ਨਾਈਨ ਡਾਟਸ ਪੁਰਸਕਾਰ’ ਜਿਸ ਤਰ•ਾਂ ਨਵੇਂ ਲੋਕਾਂ ਨੂੰ ਬਿਨਾਂ ਸੀਮਾ ਜਾਂ ਰੋਕ-ਟੋਕ ਦੇ ਸੋਚਣ ਲਈ ਉਤਸ਼ਾਹਤ ਕਰਦਾ ਹੈ, ਉਸ ਤੋਂ ਉਹ ਕਾਫੀ ਪ੍ਰਭਾਵਤ ਹੈ।

Leave a Reply

Your email address will not be published. Required fields are marked *