ਪੰਜਾਬੀ ਲਿਖਾਰੀ ਸਭਾ ਕੈਲਗਰੀ ਦੀ ਇੱਕਤਰਤਾ ਮੌਕੇ ਡਾ. ਲੱਖਾ ਲਹਿਰੀ ਤੇ ਡਾ. ਇੰਦਰਜੀਤ ਨੇ ਰੰਗਮੰਚ ਦੇ ਤਜਰਬੇ ਸਾਂਝੇ ਕੀਤੇ

ਬਲਵੀਰ ਗੋਰਾ ਦੇ ਨਵੇਂ ਗੀਤ ‘ਵਿਚਾਰਾਂ’ ਦਾ ਪੋਸਟਰ ਰਿਲੀਜ਼
ਜੋਰਾਵਰ ਬਾਂਸਲ : ਪੰਜਾਬੀ ਲਿਖਾਰੀ ਸਭਾ ਦੀ ਜੁਲਾਈ ਮਹੀਨੇ ਦੀ ਮੀਟਿੰਗ ਵਿਚ ਜਨਰਲ ਸਕੱਤਰ ਰਣਜੀਤ ਸਿੰਘ ਨੇ ਪ੍ਰਧਾਨ ਬਲਜਿੰਦਰ ਸੰਘਾ ਦੇ ਕਲਾਕਾਰ, ਨਿਰਦੇਸ਼ਕ ਤੇ ਰੰਗਮੰਚ ਕਰਮੀ ਡਾ. ਲੱਖਾ ਲਹਿਰੀ ਤੇ ਉਨ•ਾਂ ਦੀ ਪਤਨੀ ਡਾ. ਇੰਦਰਜੀਤ ਤੇ ਸਭਾ ਦੇ ਕਾਰਜਕਾਰੀ ਮੈਂਬਰ ਬਲਵੀਰ ਗੋਰਾ ਨੂੰ ਮੰਚ ‘ਤੇ ਆਉਣ ਦਾ ਸੱਦਾ ਦਿੱਤਾ। ਸਭ ਤੋਂ ਪਹਿਲਾਂ ਪਾਕਿਸਤਾਨ ਦੀ ਰੰਗਮੰਚ ਦੀ ਪ੍ਰਸਿੱਧ ਕਲਾਕਾਰ ਜ਼ਹੀਨ ਤਾਹਿਰਾ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਗਈ, ਜਿਨ•ਾਂ 700 ਤੋਂ ਵੱਧ ਨਾਟਕ ਤੇ ਟੀ ਵੀ ਉੱਤੇ ਕਈ ਡਰਾਮਿਆਂ ਦਾ ਨਿਰਮਾਣ ਤੇ ਨਿਰਦੇਸ਼ਨ ਵੀ ਕੀਤਾ। ਉਹ 79 ਸਾਲ ਦੀ ਉਮਰ ਵਿਚ ਇਸ ਫਾਨੀ ਦੁਨੀਆ ਨੂੰ ਅਲਵਿਦਾ ਆਖ ਗਏ ਹਨ। ਪ੍ਰੋਗਰਾਮ ਦੀ ਸ਼ੁਰੂਆਤ ਪੰਜ ਕੁ ਸਾਲ ਦੇ ਬੱਚੇ ਸਮੀਪ ਚੱਠਾ ਨੇ (ਖਜਾਨਚੀ ਮੰਗਲ ਚੱਠਾ ਦਾ ਬੇਟਾ) ‘À ਅ ਸੁਣਾ’ ਕੇ ਕੀਤੀ। ਜੋਗਾ ਸਿੰਘ ਸਹੋਤਾ ਨੇ ‘ਕਿੱਥੋਂ ਫੋਲਦਾ’, ਪਰਮਿੰਦਰ ਰਮਨ ਨੇ ‘ਧੂੰਆਂ’ ਤੇ ਮਹਿੰਦਰਪਾਲ ਐਸ ਪਾਲ ਨੇ ਖੂਬਸੂਰਤ ਗਜ਼ਲ ਸੁਣਾਈ। ਹਰੀਪਾਲ ਨੇ ਲੇਖ ‘ਕਾਰਪੋਰੇਟ ਕੈਨੇਡਾ ਤੇ ਆਮ ਲੋਕ’ ਪੜਿ•ਆ ਜਿਸ ਵਿਚ ਕੈਨੇਡਾ ਦੀ ਮੌਜੂਦਾ ਆਰਥਿਕਤਾ ਤੇ ਭਵਿੱਖ ਵਿਚ ਆਉਣ ਵਾਲੀਆਂ ਚੁਣੌਤੀਆਂ ਦਾ ਜ਼ਿਕਰ ਕੀਤਾ ਗਿਆ। ਜਗਦੀਸ਼ ਚੋਹਕਾ ਨੇ ‘ਸਾਹਿਤ ਚਿੰਤਨ ਤੇ ਪਰੰਪਰਾ’ ਵਿਸ਼ੇ ਉੱਤੇ ਆਪਣੇ ਵਿਚਾਰ ਪੇਸ਼ ਕੀਤੇ। ਵੂਮੈਨ ਕਲਚਰ ਐਸੋਸੀਏਸ਼ਨ ਤੇ ਸ਼ਬਦ ਸਾਂਝ ਦੀ ਪ੍ਰਧਾਨ ਬਹੁਪੱਖੀ ਸ਼ਖਸੀਅਤ ਡਾ. ਬਲਵਿੰਦਰ ਬਰਾੜ ਨੇ ਬਹੁਤ ਤਜਰਬੇ, ਜੀਵਨ ਜਾਂਚ ਤੇ ਜਿੰਦਾ ਦਿਲ ਦੀਆਂ ਗੱਲਾਂ ਸੁਣਾਈਆਂ। ਬਲਜਿੰਦਰ ਸੰਘਾ ਨੇ ਮੁੱਖ ਮਹਿਮਾਨਾਂ ਤੇ ਨਵੇਂ ਹਾਜ਼ਰੀਨ ਦੀ ਜਾਣਕਾਰੀ ਲਈ ਸਭਾ ਦੀਆਂ ਵੀਹ ਸਾਲ ਦੀਆਂ ਗਤੀਵਿਧੀਆਂ ਤੇ ਪ੍ਰਾਪਤੀਆਂ ਬਾਰੇ ਚਾਨਣਾ ਪਾਇਆ। ਜਨਰਲ ਸਕੱਤਰ ਰਣਜੀਤ ਸਿੰਘ ਨੇ ਗੁਰਭਜਨ ਗਿੱਲ ਦੀ ਗਜ਼ਲ ਸੁਣਾ ਕੇ ਮੁੱਖ ਮਹਿਮਾਨ ਨੂੰ ਸੱਦਾ ਦਿੱਤਾ। ਡਾ. ਲੱਖਾ ਲਹਿਰੀ ਨੇ ਆਪਣੇ ਥੀਏਟਰ ਤੇ ਫਿਲਮਾਂ ਦੇ ਸਫਰ ਬਾਰੇ ਦੱਸਿਆ। ਜਿਨ•ਾਂ ਨੇ 19 ਫਿਲਮਾਂ, 18 ਸੀਰੀਅਲ ਤੇ 30 ਤੋਂ ਵੱਧ ਨਾਟਕਾਂ ਦੇ ਨਿਰਦੇਸ਼ਨ ਦੇ ਨਾਲ ਨਾਲ ਅਣਗਿਣਤ ਸਟੇਜਾਂ ਉੱਤੇ ਹਰ ਸ਼ਾਹਕਾਰ ਰੰਗ ਕਰਮੀ (ਅਜਮੇਰ ਔਲਖ, ਗੁਰਸ਼ਰਨ ਭਾਜੀ ਆਦਿ) ਨਾਲ ਕੰਮ ਕੀਤਾ। ਫਿਰ ਉਨ•ਾਂ ਦੀ ਪਤਨੀ ਡਾ. ਇੰਦਰਜੀਤ ਕੌਰ ਨੇ ਇਸ ਵਾਰਤਾਲਾਪ ਨੂੰ ਅੱਗੇ ਵਧਾਇਆ ਜੋ ਪਿੰਡਾਂ, ਸ਼ਹਿਰਾਂ ਵਿਚ ਰੰਗਮੰਚ ਰਾਹੀਂ ਲੋਕਾਂ ਨੂੰ ਜਾਗਰੂਕ ਕਰਦੇ ਹਨ। ਉਨ•ਾਂ ਹਾਜ਼ਰੀਨ ਦੇ ਸਵਾਲਾਂ ਦਾ ਜਵਾਬ ਵੀ ਦਿੱਤੇ। ਇਸ ਮੌਕੇ ਉਨ•ਾਂ ਦਾ ਅਦਾਕਾਰ ਬੇਟਾ ਸਹਿਰਾਬ ਵੀ ਮੌਜੂਦ ਸੀ। ਸਭਾ ਦੀ ਕਾਰਜਕਾਰੀ ਕਮੇਟੀ ਵਲੋਂ ਦੋਨਾਂ ਨੂੰ ਪ੍ਰਸੰਸਾ ਪੱਤਰ ਤੇ ਸਭਾ ਦੇ ਲੇਖਕਾਂ ਦੀਆਂ ਕਿਤਾਬਾਂ ਦਾ ਸੈੱਟ ਭੇਟ ਕੀਤਾ। ਇਸ ਤੋਂ ਬਾਅਦ ਬੇਸ਼ੁਮਾਰ ਸਮਾਜਕ ਤੇ ਸਾਹਿਤਕ ਗੀਤਾਂ ਦੇ ਰਚੇਤਾ ਬਲਵੀਰ ਗੋਰਾ ਦੇ ਨਵੇਂ ਆ ਰਹੇ ਗੀਤ ‘ਵਿਚਾਰਾਂ’ ਦਾ ਪੋਸਟਰ ਰਿਲੀਜ਼ ਕੀਤਾ ਗਿਆ। ਬੁਲੰਦ ਆਵਾਜ ਦੇ ਮਾਲਕ ਤਰਲੋਚਨ ਸੈਬੀ ਨੇ ਔਰਤਾਂ ਦੇ ਹਿੱਤ ਵਿਚ ਲਿਖਿਆ ਗੀਤ ‘ਰਲ ਮਿਲ ਖੁਸ਼ੀਆਂ ਮਾਣੋ’, ਮਾਸਟਰ ਬਚਿੱਤਰ ਸਿੰਘ ਨੇ ਪਾਰਸ ਦੀ ਲਿਖੀ ਕਵੀਸ਼ਰੀ ‘ਪਗਲੀ ਮੈਂ ਹੁਣ ਕਿੱਧਰ ਨੂੰ ਜਾਵਾਂ’, ਸਰੂਪ ਸਿੰਘ ਮੰਡੇਰ ਨੇ ‘ਮੁੱਕ ਜਾਣ ਹਨੇਰੇ’,  ਸੁਰਿੰਦਰ ਗੀਤ ਨੇ ਕਵਿਤਾਵਾਂ ‘ਸੱਚ ਦਾ ਸੂਰਜ’ ਤੇ ‘ਦਿਸ਼ਾਹੀਣ ਲੋਕ’, ਸਤਵਿੰਦਰ ਸਿੰਘ (ਜੱਗ ਪੰਜਾਬੀ ਟੀ ਵੀ) ਨੇ ਕਵਿਤਾ ‘ਇਹ ਸਭ ਕੱਠਪੁਤਲੀਆਂ’ ਨਾਲ ਹਾਜ਼ਰੀ ਲਵਾਈ। ਇਸ ਤੋਂ ਬਾਅਦ ਨਰਿੰਦਰ ਢਿੱਲੋਂ ਨੇ ‘ਪੰਜਾਬ ਤੇ ਪੰਜਾਬੀਅਤ’ ਦੀ ਗੱਲ ਕੀਤੀ , ਰਜਿੰਦਰ ਕੌਰ ਚੋਹਕਾ ਨੇ ਲੇਖਕਾਂ ਦੀ ਕਲਮ ਦੀ ਤਾਕਤ ਬਾਰੇ ਵਿਚਾਰ ਪੇਸ਼ ਕੀਤੇ। ਇਸ ਮੌਕੇ ਸੁਖਵਿੰਦਰ ਬਰਾੜ, ਗਾਇਕ ਦਰਸ਼ਨ ਖੇਲਾ, ਗਾਇਕ ਦਲਜੀਤ ਸੰਧੂ, ਲਖਵਿੰਦਰ ਜੌਹਲ, ਬਲਵਿੰਦਰ ਸਿੰਘ, ਜਸਵੰਤ ਸੇਖੋਂ, ਗੁਰਚਰਨ ਸਿੰਘ ਹੇਅਰ, ਗੁਰਬਚਨ ਬਰਾੜ, ਜਗਦੇਵ ਸਿੱਧੂ, ਦਿਲਾਵਰ ਸਿੰਘ, ਪਰਮਜੀਤ ਸੰਦਲ, ਪੈਰੀ ਮਾਹਲ, ਸਿਮਰ ਚੀਮਾ, ਸੁਰਿੰਦਰ ਚੀਮਾ, ਗੁਰਵੀਨ ਚੱਠਾ, ਸਰਬਜੀਤ ਉੱਪਲ, ਗੁਰਦੀਸ਼ ਕੌਰ ਗਰੇਵਾਲ, ਗੁਰਨਾਮ ਸਿੰਘ ਗਿੱਲ, ਗੁਰਲਾਲ ਸਿੰਘ ਰੁਪਾਲੋ, ਗੁਰਵੀਰ ਸਿੰਘ, ਜਸਵੀਰ ਕੌਰ, ਸੁਖਵੀਰ ਕੌਰ, ਗੁਰਮੀਤ ਕੌਰ, ਸੰਦੀਪ ਕੌਰ, ਕਰਨਵੀਰ ਸਿੰਘ, ਪਵਨਦੀਪ ਕੌਰ ਬਾਂਸਲ ਹਾਜ਼ਰ ਸਨ। ਚਾਹ ਪਾਣੀ ਦੀ ਸੇਵਾ ਖਜਾਨਚੀ ਮੰਗਲ ਚੱਠਾ ਅਤੇ ਕੈਮਰੇ ਤੇ ਹਾਜ਼ਰੀ ਰਜਿਸਟਰ ਦੀ ਜ਼ਿੰਮੇਵਾਰੀ ਜੋਰਾਵਰ ਸਿੰਘ ਬਾਂਸਲ ਨੇ ਨਿਭਾਈ। ਅਖੀਰ ਵਿਚ ਬਲਜਿੰਦਰ ਸੰਘਾ ਨੇ ਆਏ ਹੋਏ ਸਾਰੇ ਸਾਹਿਤ ਪ੍ਰੇਮੀਆਂ ਤੇ ਬੁੱਧੀਜੀਵੀਆਂ ਦਾ ਧੰਨਵਾਦ ਕੀਤਾ ਤੇ ਅਗਲੇ ਮਹੀਨੇ 18 ਅਗਸਤ ਨੂੰ ਇਸੇ ਜਗ•ਾ ਹੋਣ ਵਾਲੀ ਮਹੀਨਾਵਾਰ ਇੱਕਤਰਤਾ ਵਿਚ ਸੱਦਾ ਦਿੱਤਾ। ਹੋਰ ਜਾਣਕਾਰੀ ਲਈ ਬਲਜਿੰਦਰ ਸੰਘਾ ਨੂੰ 403 680 3212 ਅਤੇ ਜਨਰਲ ਸਕੱਤਰ ਰਣਜੀਤ ਸਿੰਘ ਨੂੰ 403 714 6848 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।