ਮੈਰੀ ਕੌਮ ਨੂੰ ਵਰਲਡ ਵੂਮਨ ਬੌਕਸਿੰਗ ਚੈਂਪੀਅਨਸ਼ੀਪ ‘ਚ ਤਾਂਬੇ ਦੇ ਤਗਮੇ ਨਾਲ ਹੀ ਸੰਤੋਖ ਕਰਨਾ ਪਿਆ, ਮੰਜੂ ਰਾਨੀ ਨੇ ਥਾਈਲੈਂਡ ਦੀ ਰਖਸਤ ਨੂੰ 4-1 ਨਾਲ ਮਾਤ ਦਿੱਤੀ

ਨਵੀਂ ਦਿੱਲੀਛੇ ਵਾਰ ਚੈਂਪੀਅਨ ਐਮ.ਸੀਮੈਰੀ ਕੌਮ (51 ਕਿਲੋਨੂੰ ਵਰਲਡ ਵੂਮਨ ਬੌਕਸਿੰਗ ਚੈਂਪੀਅਨਸ਼ੀਪ ‘ਚ ਤਾਂਬੇ ਦੇ ਤਗਮੇ ਨਾਲ ਹੀ ਸੰਤੋਖ ਕਰਨਾ ਪਿਆ। ਉਧਰ ਪਹਿਲੀ ਵਾਰ ਇਸ ਮੁਕਾਬਲੇ ‘ਚ ਉੱਤਰੀ ਮੰਜੂ ਰਾਨੀ (48 ਕਿਲੋਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰ ਫਾਈਨਲ ‘ਚ ਆਪਣੀ ਥਾਂ ਪੱਕੀ ਕਰ ਲਈ ਹੈ। ਮੰਜੂ ਰਾਨੀ ਨੇ ਸੈਮੀਫਾਈਨਲ ‘ਚ ਥਾਈਲੈਂਡ ਦੀ ਚੁਟਹਾਮਤ ਰਖਸਤ ਨੂੰ 4-1 ਨਾਲ ਮਾਤ ਦਿੱਤੀ। ਮੈਰੀ ਕੌਮ ਦੇ ਮੈਚ ਦੌਰਾਨ ਭਾਰਤੀ ਟੀਮ ਨੇ ਫੈਸਲੇ ਦਾ ਰਿਵਿਊ ਮੰਗਿਆ ਪਰ ਇੰਟਰਨੈਸ਼ਨਲ ਮੁੱਕੇਬਾਜ਼ੀ ਸੰਘ ਦੀ ਤਕਨੀਕੀ ਕਮੇਟੀ ਨੇ ਇਸ ਅਪੀਲ ਨੂੰ ਖਾਰਿਜ ਕਰ ਦਿੱਤਾ। ਮੈਰੀ ਕੌਮ ਨੇ ਹਾਰ ਤੋਂ ਬਾਅਦ ਟਵੀਟ ਕੀਤਾ, “ਕਿਉਂ ਅਤੇ ਕਿਵੇਂ। ਦੁਨੀਆ ਨੂੰ ਇਹ ਪਤਾ ਲੱਗੇ ਕਿ ਇਹ ਫੈਸਲਾ ਕਿੰਨਾ ਸਹੀ ਸੀ ਜਾਂ ਕਿੰਨਾ ਗਲਤ।” ਇਸ ਹਾਰ ਤੋਂ ਬਾਅਦ ਵੀ ਮੈਰੀ ਕੌਮ ਨੇ ਮਹਿਲਾ ਵਿਸ਼ਵ ਚੈਂਪੀਅਨਸ਼ੀਪ ‘ਚ ਸਭ ਤੋਂ ਜ਼ਿਆਦਾ ਮੈਡਲ ਜਿੱਤਣ ਦਾ ਰਿਕਾਰਡ ਆਪਣੇ ਨਾਂ ਕੀਤਾ ਹੈ। ਮੈਰੀ ਕੌਮ ਦਾ ਇਹ ਵਿਸ਼ਵ ਮੁੱਕੇਬਾਜ਼ ਚੈਂਪੀਅਨਸ਼ਿਪ ‘ਚ ਅੱਠਵਾਂ ਅਤੇ 51 ਕਿਲੋ ਸ਼ਰੇਣੀ ‘ਚ ਪਹਿਲਾ ਤਗਮਾ ਹੈ। ਉਧਰ ਹਰਿਆਣਾ ਦੀ ਮੰਜੂ ਇਸ ਸਾਲ ਹੀ ਰਾਸ਼ਟਰੀ ਸ਼ਿਵਰ ‘ਚ ਸ਼ਾਮਲ ਹੋਈ ਹੈ। ਉਸ ਨੇ ਆਪਣੀ ਕਦ ਤੋਂ ਜ਼ਿਆਦਾ ਮਜ਼ਬੂਤ ਰਖਸਤ ਸਾਹਮਣੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਜਿੱਤ ਲਈ ਅੰਕ ਇਕੱਠਾ ਕੀਤੇ।

Leave a Reply

Your email address will not be published. Required fields are marked *