ਕਰੋਨਾ ਵਾਇਰਸ ਕਾਰਨ ਆਈ.ਪੀ.ਐਲ. ਅਣਮਿੱਥੇ ਸਮੇਂ ਲਈ ਟਲਿਆ

ਨਵੀਂ ਦਿੱਲੀ : ਕਰੋਨਾ ਵਾਇਰਸ ਮਹਾਮਾਰੀ ਕਾਰਨ ਆਖ਼ਰਕਾਰ ਆਈ.ਪੀ.ਐਲ. 2020 ਅਣਮਿੱਥੇ ਸਮੇਂ ਲਈ ਟਲ ਗਿਆ ਹੈ। ਦੁਨੀਆ ਦੀ ਸਭ ਤੋਂ ਮਹਿੰਗੀ ਕ੍ਰਿਕਟ ਲੀਗ ਨੂੰ ਮੁਲਤਵੀ ਕਰਨ ਦਾ ਅਧਿਕਾਰਤ ਐਲਾਨ ਬੁੱਧਵਾਰ ਨੂੰ ਕੀਤਾ ਗਿਆ। 29 ਮਾਰਚ ਤੋਂ 24 ਮਈ ਦੌਰਾਨ ਹੋਣ ਵਾਲੇ ਇਸ ਟੂਰਨਾਮੈਂਟ ਲਈ ਬੋਰਡ ਕੋਲ ਕੋਈ ਨਵਾਂ ਪਲਾਨ ਨਹੀਂ ਸੀ।
ਇਸ ਤੋਂ ਪਹਿਲਾਂ ਮੰਗਲਵਾਰ ਸ਼ਾਮ ਨੂੰ ਮੀਟਿੰਗ ਵਿਚ ਗੱਲਬਾਤ ਹੋਈ ਸੀ, ਜਿੱਥੇ ਬੀ.ਸੀ.ਸੀ.ਆਈ. ਦੇ ਸੀਨੀਅਰ ਅਧਿਕਾਰੀ ਸੌਰਵ ਗਾਂਗੁਲੀ, ਜੈਅ ਸ਼ਾਹ, ਬ੍ਰਿਜੇਸ਼ ਪਟੇਲ, ਅਰੂਣ ਧੂਮਲ ਅਤੇ ਹੇਮੰਗ ਅਮੀਨ ਮੌਜੂਦ ਸਨ। ਇਸ ਤੋਂ ਪਹਿਲਾਂ 15 ਅਪ੍ਰੈਲ ਅਤੇ ਫੇਰ 3 ਮਈ ਤੱਕ ਆਈ.ਪੀ.ਐਲ. ਨੂੰ ਕੋਵਿਡ-19 ਮਹਾਮਾਰੀ ਕਾਰਨ ਜਾਰੀ ਲੌਕਡਾਊਨ ਦੇ ਚਲਦਿਆਂ ਮੁਲਤਵੀ ਕੀਤਾ ਜਾ ਚੁੱਕਾ ਸੀ।